बेळगांव:भटक्या कुत्र्यांनी शहरांमध्ये उपद्रव मांडला आहे. महांतेश नगर येथील देसाई लॉनच्या मागील बाजूस कुत्र्यांनी हल्ला करून चार जणांचा चावा घेतला यामध्ये चौघे गंभीर जखमी झाली आहेत.
महांतेश नगर मध्ये लहान मुले खेळत असताना भटक्या कुत्र्यांनी त्यांच्यावर हल्ला केला. यावेळी चार मुले जखमी झाली. सध्या जखमींवर जिल्हा रुग्णालयात उपचार सुरू असून पालिकेने कुत्र्यांचा बंदोबस्त करावा अशी मागणी या भागातील नागरिकांनी केली आहे.
यापूर्वीही नागरिकांनी भटक्या कुत्र्यांच्या उपद्रवामुळे पालिकेकडे तक्रार केली होती. मात्र महानगरपालिकेने कुत्र्यांचा बंदोबस्त करण्याकडे कानाडोळा केला असल्याने त्याच भटक्या कुत्र्यांनी चार मुलांचा चावा घेतला आहे.
