रात्रीच्यावेळी गॅस सिलिंडरचा स्फोट झाल्याने नऊ महिन्यांच्या बाळासह एकाच कुटुंबातील सात जण जखमी झाले आहेत.
बेळगाव जिल्ह्यातील गोकाक तालुक्यातील अक्कतंगेरहाळ गावात ही घटना घडली आहे.जखमींपैकी दोघांची प्रकृती गंभीर असून त्यांना उपचारासाठी बेळगावच्या खासगी रुग्णालयात दाखल करण्यात आले आहे.अन्य जखमींवर गोकाक येथील रुग्णालयात उपचार करण्यात येत आहेत.रात्रीच्या वेळी गॅसचा वास आल्याने मोबाईल टॉर्च ऑन केल्यावर स्फोट घडला असल्याची माहिती मिळाली आहे स्फोटाची तीव्रता इतकी होती की त्यामुळे घराची कौले उडून दूरवर पडली.स्फोटामुळे घरातील साहित्याचे देखील नुकसान झाले आहे.अंकलगी पोलीस स्थानकात या घटनेची नोंद झाली आहे.
