उचगाव येथील गवत गंजीला अचानक आग
उचगाव बसुरते रोडवर असणाऱ्या कलाप्पा लक्ष्मण पाटील यांच्या गवत गंजीला आज दुपारी अचानक आग लागली. ही आग कोणी आणि कशासाठी लावली याबाबत अद्याप माहिती मिळाली नाही. मात्र या आगीमुळे शेतकऱ्याचे जवळपास लाख रुपयांचे नुकसान झाले आहे. या गवतगंजी मध्ये जवळपास पाच ते सहा ट्रॉल्या गवत जळून खाक झाले आहे. त्यामुळे शेतकरी हातबल झाला आहे. तसेच त्याला आपल्या जनावरांकरिता आता नव्याने गवत विकत घेण्याची वेळ आली आहे.
