झाला याठिकाणी वाळूचा ट्रक पलटी
रस्त्याच्या कडेला थांबलेला वाळूने भरलेला डंपर पलटी झाल्याची घटना चिकोडी जवळील चिंचणी टोल नाक्यानजीक घडली .
यावेळी सुदैवाने चालक व शेजारील घरातील लोकांचा जीव वाचला.वाळूने भरलेला डंपर यरगट्टी येथून निपाणीकडे जात होता.
चिकोडीनजीक निपाणी – मुधोळ मार्गावरील चिंचणी टोल नाक्याच्या शेजारी सदर चालक डंपर थांबवून चहा पिण्यासाठी हॉटेलमध्ये गेला होता.
याचवेळी अचानक बंद असलेला डंपर रस्त्याच्या डाव्या बाजूला असलेला उतारावर घसरून पलटी झाला. याच ठिकाणी एक घर व गोठा असून थोडक्यात जनावरे व घरातील माणसांचा जीव वाचला.
