बेळगाव: येथील केएलएस गोगटे कॉलेज ऑफ कॉमर्स, बेळगाव यांच्या वतीने शनिवार दिनांक 13 जुलै 2024 रोजी दुपारी पास्ट स्टुडंट्स असोसिएशन (पीएसए) बैठकीचे आयोजन के.के. वेणुगोपाल सभागृहात करण्यात आले होते.
B.Com,B.B.A, B.C.A, आणि M.Com विभागातील विद्यार्थ्यांना PSA संमेलनात उपस्थित राहण्यासाठी आमंत्रित करण्यात आले होते. तसेच प्रमुख पाहुणे म्हणून KLS GCC ची माजी विद्यार्थिनी व खासदार प्रियंका सतीश जारकीहोळी या कार्यक्रमासाठी उपस्थित होत्या.
गोगटे कॉलेज ऑफ कॉमर्स व्यवस्थापनच्या वतीने अध्यक्ष एके तगारे यांनी कुमारी प्रियांका जारकीहोळी यांचा शाल व पुष्पगुच्छ देऊन सन्मान केला.सभेची सुरुवात महाविद्यालयाच्या पटवून देणाऱ्या व्हिडिओने करण्यात आली. प्राध्यापक दीपा टांगणकर यांनी प्रमुख पाहुण्यांचा परिचय व स्वागत केले.प्रिन्सिपल डॉ. वेणुगोपाल जालिहाल यांनी निमंत्रित डॉ. एच.एच. वीरपूर व प्रा. दीपा टांगणकर यांनी सत्कार केला.
याप्रसंगी खा.प्रियंका जारकीहोळी आपले मनोगत व्यक्त करताना म्हणाल्या मी पुन्हा एकदा कॉलेजमध्ये येऊन खूप आनंद होत आहे.मी या कॉलेजची ऋणी असल्याचे त्यांनी सांगितले. व पहिल्यांदाच खासदार झाल्याचा आपला अनुभव सर्वांशी शेअर केला.व विद्यार्थ्यांनी स्पर्धात्मक परीक्षेची तयारी करावी तसेच कॉलेजला कोणत्याही प्रकारची मदत करायची त्यांनी तयारी दर्शवली.
प्राचार्य डॉ. वेणुगोपाल जालिहाल यांनी वर्तमान विद्यार्थी आणि महाविद्यालयाच्या विकासात भूतकाळातील विद्यार्थ्यांनी बजावलेल्या महत्त्वपूर्ण भूमिकेवर प्रकाश टाकला. तसेच सर्व विभाग आणि विद्यार्थ्यांच्या प्रगतीबद्दल सांगितले.
बैठकीस 1978 ते 2023 च्या बॅचचे माजी विद्यार्थी उपस्थित होते.तसेच B.Com च्या समन्वयक प्रा.नयना रायचूर, B.B.A समन्वयक प्रा.राहुल कामुले, B.C.A समन्वयक डॉ.अस्मिता देशपांडे, M.Com समन्वयक डॉ.एस.व्ही. जवळकर, यांच्यासहित शिक्षक शिक्षिका व विद्यार्थी उपस्थित होते.
