बेळगाव : डी मीडिया
बेळगाव उत्तर मतदारसंघातील उज्वल नगर परिसरातील नागरिकांच्या दीर्घकाळच्या मागणीला प्रतिसाद देत विकासकामांना सुरुवात करण्यात आली आहे. आमदार राजू आसिफ शेठ आणि युवा नेते अमान शेठ यांच्या पुढाकारातून उज्वल नगर येथील 14 व्या क्रॉस परिसरातील अल सहारा कॉलनी रस्ता व गटार कामाचा शुभारंभ करण्यात आला.
या परिसरातील रस्त्यांची अवस्था आणि गटार व्यवस्थेअभावी नागरिकांना तसेच शाळेत जाणाऱ्या लहान मुलांना मोठ्या अडचणींचा सामना करावा लागत होता. पावसाळ्यात होणाऱ्या गैरसोयी लक्षात घेऊन ही कामे हाती घेण्यात आली आहेत.
भूमिपूजनानंतर कामाला प्रत्यक्ष सुरुवात करण्यात आली. परिसरातील मूलभूत सुविधा सुधारण्यासाठी रस्ता आणि गटार व्यवस्था मजबूत करण्यात येणार आहे.
यावेळी आमदार राजू आसिफ शेठ यांनी उज्वल नगरमधील विकासकामे टप्प्याटप्प्याने पूर्ण करण्यात येतील, तसेच परिसरातील प्रलंबित कामे लवकर मार्गी लावली जातील, असे आश्वासन दिले.
या कार्यक्रमावेळी स्थानिक नागरिक मोठ्या संख्येने उपस्थित होते. नागरिकांनी विकासकामांना सुरुवात झाल्याबद्दल समाधान व्यक्त केले.
