बेळगाव ः राणी चन्नमा विद्यापीठ, मराठी विभाग आणि श्री बोर्डेकर पारंपारिक दशावतार नाट्यमंडळ (दोडामार्ग, जि.सिंधुदुर्ग) प्रस्तुत ‘दशावतार’ हे नाटक आयोजित करण्यात आले आहे. सोमवारी २५ मे सायंकाळी ६ ते ८ या कालावधीत कोनवाळ गल्लीतील रिझ थिएटरमध्ये हा कार्यक्रम होणार आहे.
बेळगाव ही संगीत कला आणि लोकसंस्कृतीची समृद्ध परंपरा असलेले सांस्कृतिक शहर आहे. बेळगाव येथे आजपर्यंत अनेक मराठी नाटके झाली असून बेळगावकरांच्या सहभागाने ते यशस्वीही झाली. ‘दशावतार’ परंपरा लोककलेची हे नाटक वेगळ्या धाटणीचे आहे. बेळगावात मराठी विभागाच्यावतीने पुन्हा एक नाटक होत आहे. यामध्ये दिलिप सामंत, विनोद परब, विजय वाडकर, संजय मोर्ये, अंकुश गरुड, सुधीर परब, प्रसाद मेस्त्री, संजय पराडकर, नारायण मालवणकर, दिपक नार्वेकर यांची भूमिका आहे. हार्मोनियम रामचंद्र परब, पखवाज गणेश मेस्त्री, तालरक्षक सचिव पालक हे संगीतसाथ करणार आहेत. तिकीट हवी असल्यास अशोक आलगोंडी ९०३५३८५९२३, सतीश जाधव ९६६३३२५६१४, महादेव खोत ९६०६८८०३४९, संतोष मादकाचे ८०९५३८१०९७ यांच्याशी संपर्क करावा असे आवाहन करण्यात आले आहे.
----------------
