कर्नाटकातील डी.के. सरकारच्या बहुप्रतीक्षित मंत्रिमंडळ विस्ताराला अखेर काँग्रेस हायकमांडची अधिकृत मंजुरी मिळाली आहे. काँग्रेस अध्यक्षांच्या मान्यतेनंतर अखिल भारतीय काँग्रेस कमिटीचे सरचिटणीस के. सी. वेणुगोपाल यांनी मुख्यमंत्री डी. के. शिवकुमार यांना पत्र पाठवून 20 नव्या मंत्र्यांच्या नावांना हिरवा कंदील दिला आहे. नव्या मंत्र्यांचा शपथविधी आज सायंकाळी होण्याची शक्यता आहे.
या विस्तारात अथणीचे आमदार लक्ष्मण सवदी यांना मंत्रिमंडळात स्थान देण्यात आले आहे. भाजपमधून काँग्रेसमध्ये प्रवेश केल्यानंतर प्रथमच त्यांना मंत्रिपदाची संधी मिळाली आहे. त्यामुळे बेळगाव जिल्ह्याचे प्रतिनिधित्व अधिक बळकट झाले असून, यापूर्वीच मंत्री असलेले सतीश जारकीहोळी यांच्यासह जिल्ह्याला आता दोन मंत्री मिळाले आहेत.
याशिवाय पंचमसाली समाजाचे प्रमुख नेते विजयानंद काशप्पनवर यांनाही मंत्रिपदाची संधी मिळाली आहे. सामाजिक, प्रादेशिक आणि राजकीय समतोल राखण्याच्या उद्देशाने काँग्रेस हायकमांडने हा विस्तार केल्याचे राजकीय विश्लेषकांचे मत आहे.
मंत्रिपदासाठी मंजूर झालेल्या 20 आमदारांची यादी
पी. एम. नरेंद्रस्वामी
शिवराज तंगडगी
रुद्रप्पा लामाणी
के. एस. बसवंतप्पा
बी. नागेंद्र
टी. रघुमूर्ती
बी. झेड. झमीर अहमद खान
रिझवान अर्शद
संतोष लाड
मधु बंगारप्पा
पुत्तरंगशेट्टी
मंकाळा वैद्य
डॉ. अजय सिंह
एन. चलुवराय स्वामी
के. एम. शिवलिंगे गौडा
एच. सी. बालकृष्ण
गायत्री शांतगौडा
बसवराज रायरेड्डी
विजयानंद काशप्पनवर
लक्ष्मण सवदी
याशिवाय विधानसभा अध्यक्ष, उपाध्यक्ष तसेच विधान परिषदेच्या सभापती आणि उपसभापती पदांसाठीही स्वतंत्र प्रस्तावाला मंजुरी देण्यात आली आहे. आता नव्या मंत्र्यांना कोणती खाती दिली जाणार, याकडे संपूर्ण राज्याचे लक्ष लागले आहे.
