बेळगाव शहरातील नामांकित रांगोळी कलाकार अजित औरवाडकर यांनी चैत्री यात्रेच्या पार्श्वभूमीवर ‘दख्खनचा राजा’ म्हणून ओळखल्या जाणाऱ्या श्री ज्योतिबांची आकर्षक रांगोळी साकारत भाविकांचे लक्ष वेधले आहे.
ही रांगोळी साधारण दोन फूट बाय तीन फूट आकारमानाची असून, तिच्या निर्मितीसाठी तब्बल 14 तासांचा कालावधी लागला आहे. अत्यंत बारकाईने आणि कलात्मकतेने तयार करण्यात आलेल्या या कलाकृतीत विशेष रंगसंगतीचा वापर करण्यात आला आहे.
औरवाडकर यांनी यापूर्वीही विठ्ठल-रखुमाई, प्रभू श्रीराम, छत्रपती शिवाजी महाराज तसेच राम मंदिर यांसारख्या विविध धार्मिक आणि ऐतिहासिक विषयांवरील रांगोळ्यांद्वारे आपली कला सादर केली आहे.
सध्या ही रांगोळी वडगाव येथील ज्योती फोटो स्टुडिओ येथे सर्वसामान्य नागरिकांसाठी खुली ठेवण्यात आली असून, सकाळी 9 ते रात्री 9 वाजेपर्यंत ती पाहता येणार आहे.
या रांगोळीमुळे चैत्री यात्रेच्या वातावरणात अधिक भक्तिमय आणि सांस्कृतिक रंग भरले गेले आहेत
