*स्वच्छ ऊर्जा व नॅनोटेक उत्पादन क्षमतांना मिळणार नवी गती*

बेळगांव:भारताच्या डीप-टेक आणि स्वच्छ ऊर्जा क्षेत्रात नाविन्यपूर्ण संशोधन करत असलेल्या Enerzi या तंत्रज्ञान कंपनीने आपल्या उत्पादन क्षमतेच्या विस्तारासाठी आणि प्रगत अभियांत्रिकी विकासासाठी तब्बल ₹16.5 कोटींच्या सीड फंडिंगची घोषणा केली आहे. Capital-A यांच्या नेतृत्वाखाली झालेल्या या फंडिंग फेरीत 8X Ventures आणि काही ख्यातनाम एंजल गुंतवणूकदारांनी सहभाग नोंदवला.

स्वच्छ ऊर्जा, उच्च कार्यक्षम हायड्रोजन निर्मिती आणि अत्याधुनिक नॅनोमटेरियल्स क्षेत्रात Enerzi करत असलेल्या संशोधनाला ही गुंतवणूक नवी दिशा देणार असल्याचे कंपनीने सांगितले.

कंपनी ही गुंतवणूक तीन प्रमुख दिशांमध्ये वापरणार आहे—

1) उत्पादन क्षमतेचा विस्तार

भारतासह जागतिक बाजारपेठेत वाढत्या मागणीची पूर्तता करण्यासाठी उत्पादन पायाभूत सुविधा अधिक बळकट केल्या जाणार आहेत.

2) प्लाझ्मा विज्ञान व अभियांत्रिकी टीमची मजबुती

आरअँडडी प्रक्रियेचा वेग वाढवण्यासाठी उच्च क्षमतेच्या वैज्ञानिक व तांत्रिक तज्ज्ञांना टीममध्ये सामील केले जाणार आहे.

3) हायड्रोजन व नॅनोकर्बन तंत्रज्ञानाचे व्यापारीकरण

Enerzi ने विकसित केलेल्या स्वमालकीच्या स्वच्छ ऊर्जा आणि नॅनोतंत्रज्ञान प्लॅटफॉर्मचा देशांतर्गत तसेच आंतरराष्ट्रीय स्तरावर जलद विस्तार करण्यात येणार आहे.

गुंतवणूकदारांचा प्रतिसादही उत्साहवर्धक असून Enerzi चा दीर्घकालीन तंत्रज्ञान आराखडा, जागतिक स्तरावर स्केलेबल सोल्यूशन्स तयार करण्याची क्षमता आणि बाजारात उपलब्ध असलेल्या मोठ्या संधींवर त्यांनी विश्वास व्यक्त केला आहे.

कंपनीचे संस्थापक आणि CSO डॉ. प्रकाश मुगळी म्हणाले—
“हिरव्या उर्जेकडे वाटचाल अधिक वेगाने करण्यासाठी Enerzi करत असलेल्या संशोधनाला मिळालेले हे भांडवल आमच्या दृष्टीने मोठे पाऊल आहे. बेलगावातून जागतिक स्तरावर परिणाम घडवणारी नवी तंत्रज्ञान निर्मिती करण्याचे आमचे ध्येय अधिक मजबूत झाले आहे.”

सहसंस्थापक व CEO किरणकुमार हित्ताळमणी यांनी सांगितले—
“अनुभवी गुंतवणूकदारांचा पाठिंबा मिळाल्याने आमच्या उत्पादन आणि संशोधन क्षमतांना नवी उंची मिळणार आहे. जागतिक दर्जाची स्वच्छ ऊर्जा उत्पादने बाजारात आणण्यास ही गुंतवणूक महत्वपूर्ण ठरेल.”

https://www.facebook.com/share/v/1AHBndNc4X/

Capital-A चे संस्थापक अंकित केडिया म्हणाले—
“Enerzi सारख्या कंपन्या भारतातील स्वच्छ ऊर्जा परिसंस्थेला पुढे नेण्याची क्षमता ठेवतात. प्लाझ्मा विज्ञानाला स्केलेबल मॅन्युफॅक्चरिंगमध्ये रूपांतरित करण्यातील त्यांची ताकद भविष्याचा मार्ग दाखवते.”

या घोषणेच्या अनुषंगाने बेळगावातील चित्तूर चन्नम्मा सर्कलजवळील कन्नड साहित्य भवन येथे एक पत्रकार परिषद आयोजित करण्यात आली, ज्यात कंपनीचे प्रतिनिधी, गुंतवणूकदार आणि स्थानिक माध्यमांनी उपस्थिती लावली.

स्वच्छ ऊर्जा, प्रगत पदार्थ तंत्रज्ञान आणि नॅनो-टेक उत्पादन क्षेत्रात Enerzi भारताचे स्थान अधिक मजबूत करण्यास सज्ज आहे.