कुद्रेमानी : तंजावर येथे २३ सप्टेंबर रोजी होणाऱ्या सरफोजीराजे भोसले द्वितीय मराठी साहित्य संमेलनासाठी विशेष अतिथी म्हणून निमंत्रित झाल्याबद्दल सीमाकवी रवींद्र पाटील सर यांचा श्री शिवबा सार्वजनिक गणेशोत्सव मंडळ, जीवननगर-कुद्रेमानी यांच्या वतीने सत्कार करण्यात आला.
यावेळी मंडळाचे अध्यक्ष विनोद विष्णू पन्हाळकर, सचिव हणमंत पन्हाळकर, कार्याध्यक्ष परशराम काकतकर, वैजनाथ कागणकर, रवळू गुरव, मारुती कडलगेकर यांच्यासह मंडळाचे कार्यकर्ते व ग्रामस्थ उपस्थित होते.
या सन्मानाबद्दल रवींद्र पाटील यांनी मंडळाचे आभार मानले. तंजावरच्या ऐतिहासिक भूमीत सीमाभागातील मराठी साहित्याचा आवाज पोहोचविण्याची संधी मिळणे ही अभिमानाची बाब आहे, असे त्यांनी यावेळी सांगितले.
