शहरातील मारिहाळ परिसरात अवैधरीत्या सुरू असलेल्या दारू विक्रीविरोधात पोलिसांनी प्रभावी कारवाई करत मोठ्या प्रमाणात मद्यसाठा जप्त केला आहे. या प्रकरणात एका व्यक्तीविरुद्ध अबकारी कायद्यानुसार गुन्हा दाखल करण्यात आला असून तपास सुरू आहे.
पोलिसांनी दिलेल्या माहितीनुसार, 31 जुलै 2026 रोजी मारिहाळ–सुळेभावी मार्गावरील सार्वजनिक ठिकाणी परवानगीशिवाय दारूची विक्री सुरू असल्याची माहिती मिळाल्यानंतर पोलिस पथकाने छापा टाकला. कारवाईदरम्यान 96 'ओरिजिनल चॉईस' कंपनीचे टेट्रा पाऊच जप्त करण्यात आले.
या प्रकरणी रामप्पा नागप्पा यरगुद्दी (वय 44, रा. विनायक नगर, बेळगाव) याच्याविरुद्ध कर्नाटक अबकारी कायदा, 1963 अंतर्गत संबंधित कलमान्वये गुन्हा नोंद करण्यात आला आहे.
ही कारवाई मारिहाळ पोलिस ठाण्याचे एएसआय आर. एम. तळवार आणि त्यांच्या पथकाने केली. त्यांच्या या कार्याची पोलीस आयुक्त आणि वरिष्ठ अधिकाऱ्यांनी प्रशंसा केली असून अवैध धंद्यांविरोधातील कारवाया पुढेही सुरू राहणार असल्याचे संकेत आहेत.
