बेळगाव : बेकायदेशीर हातभट्टी दारूच्या विक्रीविरोधात बेळगाव ग्रामीण पोलिसांनी धडक कारवाई करत एका व्यक्तीला अटक केली आहे. मच्छे गावाच्या हद्दीतील सार्वजनिक ठिकाणी हातभट्टी दारूची विक्री करण्याच्या तयारीत असताना पोलिसांनी छापा टाकून सुमारे 20 लिटर दारू जप्त केली.
ही कारवाई 4 सप्टेंबर 2026 रोजी करण्यात आली. या प्रकरणात परशुराम बसप्पा नाईक (वय 35, रा. वाल्मिकी नगर, बेळगाव) याला ताब्यात घेण्यात आले आहे.
पोलिसांना आरोपी सार्वजनिक ठिकाणी स्वतःच्या आर्थिक फायद्यासाठी बेकायदेशीर हातभट्टी दारूची विक्री करत असल्याची माहिती मिळाली होती. त्यानुसार बेळगाव ग्रामीण पोलीस ठाण्याचे पीएसआय विनोदकुमार सरनाईक आणि त्यांच्या पथकाने घटनास्थळी छापा टाकला.
कारवाईदरम्यान आरोपीकडून एकूण 20 लिटर हातभट्टी दारू जप्त करण्यात आली.
या प्रकरणी बेळगाव ग्रामीण पोलीस ठाण्यात गुन्हा क्रमांक 206/2026 नोंदविण्यात आला असून कर्नाटक अबकारी अधिनियम, 1965 मधील कलम 32 आणि 34 अंतर्गत आरोपीविरुद्ध कायदेशीर कारवाई करण्यात आली आहे.
या प्रकरणाचा पुढील तपास बेळगाव ग्रामीण पोलीस करीत आहेत.
