शहरातील हनुमान नगर येथील मारुती मंदिर परिसरात नागरिकांसाठी अधिक आकर्षक आणि उपयुक्त सार्वजनिक सुविधा निर्माण करण्याच्या उद्देशाने गार्डन विकास प्रकल्पाला आज औपचारिक सुरुवात करण्यात आली. या विकासकामासाठी 70 लाख रुपयांचा विशेष निधी मंजूर करण्यात आला असून, आमदार असिफ राजू शेट यांच्या हस्ते कामाचा शुभारंभ झाला.
या प्रकल्पाअंतर्गत गार्डनचे सुशोभीकरण, नागरिकांसाठी आवश्यक मूलभूत सुविधा तसेच आधुनिक ओपन जिम उभारण्यात येणार आहे. त्यामुळे परिसरातील नागरिकांना व्यायाम, विरंगुळा आणि आरोग्यदायी जीवनशैलीसाठी दर्जेदार सार्वजनिक जागा उपलब्ध होणार आहे.
कार्यक्रमावेळी स्थानिक नागरिकांनी मोठ्या संख्येने उपस्थित राहून विकासकामांचे स्वागत केले. यावेळी युवा नेते अमान शेट यांच्यासह स्थानिक पदाधिकारी आणि नागरिक उपस्थित होते.
या उपक्रमामुळे अंजनेय नगर परिसरातील सार्वजनिक सुविधांमध्ये लक्षणीय भर पडणार असून, भविष्यात हा परिसर अधिक सुशोभित आणि नागरिकांसाठी उपयुक्त ठरेल, अशी अपेक्षा व्यक्त करण्यात येत आहे.
