खानापूर येथील हळशी वाडा येथे, पक्ष्यांसाठी एका बेटासह, दोन तलावांचे पुनरुज्जीवन अवघ्या १५ दिवसांच्या विक्रमी वेळेत पूर्ण केले आहे. या दोन्ही तलावांचे एकूण क्षेत्रफळ चार एकरांपेक्षा थोडे कमी आहे. एकेपी फेरोकास्ट च्या सी एस आर फंडाच्या सहकार्याने पूर्ण करण्यात आलेल्या या तलावांमध्ये, या कडक उन्हाळ्यातही पाण्याचे नैसर्गिक झरे अजूनही जिवंत आणि कार्यरत आहेत; तसेच या प्रकल्पाचाच एक भाग म्हणून गावातील एका विहिरीतील गाळ काढण्याचे कामही करण्यात आले.
हळशी वाडा या गावाला ऐतिहासिक महत्त्व लाभले आहे, कारण ते 'हळशी' या कदंब राजवंशाच्या राजधानीच्या अगदी जवळ वसलेले आहे; कर्नाटकच्या इतिहासात प्रशासकीय कामकाजात कन्नड भाषेचा वापर करणारा हा पहिलाच राजवंश होता. शेती आणि पशुधनावर अवलंबून असलेल्या या गावाच्या अर्थव्यवस्थेसाठी हा प्रकल्प एक मोठा वरदान ठरेल. या बद्दल प्यास फाऊंडेशन च्या टीम चे सर्वत्र कौतुक होत आहे
