रशियातून एमबीबीएस पदवी संपादन; डॉ. अनुजा उत्तम पाटील यांचा पाटील समाजातर्फे गौरव

बेळगाव | डी मीडिया

रशियातील कॅस्पियन विद्यापीठातून (Caspian University) एमबीबीएस पदवी यशस्वीरित्या संपादन केल्याबद्दल डॉ. अनुजा उत्तम पाटील यांचा पाटील गल्ली येथे पाटील समाजाच्या वतीने सत्कार समारंभ उत्साहात पार पडला.

Also read

*सीबीएसईचा अभ्यास होणार अधिक सोपा! ज्योती सेंट्रल स्कूलच्या नाविन्यपूर्ण उपक्रमांचे पालकांकडून कौतुक*

ज्येष्ठ नागरिक व्ही. डी. पाटील यांच्या नात असलेल्या डॉ. अनुजा पाटील यांनी वैद्यकीय शिक्षण पूर्ण करून कुटुंबासह परिसराचेही नाव उज्ज्वल केल्याबद्दल उपस्थितांनी त्यांचे अभिनंदन केले.

समारंभाच्या अध्यक्षस्थानी गोविंद बा. पाटील होते. यावेळी डॉ. अनुजा पाटील यांचा शाल, श्रीफळ व पुष्पगुच्छ देऊन सन्मान करण्यात आला. कुटुंबाच्या वतीने भाऊराव पाटील यांच्या हस्ते त्यांचा विशेष सत्कार करण्यात आला.

यावेळी सतीश पाटील यांनी डॉ. अनुजा पाटील यांना पुढील एम.डी. (MD) शिक्षणासाठी शुभेच्छा देत त्यांच्या भावी वाटचालीसाठी सदिच्छा व्यक्त केल्या.

Also read

*मराठी विद्यानिकेतनच्या अटल टिंकरिंग लॅबमध्ये ३८ विद्यार्थ्यांनी घेतला विज्ञान-तंत्रज्ञानाचा अनुभव! कॅन्टोन्मेंट मराठी शाळा व भगतसिंग हायस्कूलच्या विद्यार्थ्यांचा उत्स्फूर्त सहभाग; कार्यशाळेला भरभरून प्रतिसाद*

या कार्यक्रमाला दत्ताजी पाटील, रमेश पाटील, प्रदीप मेनसे, अनिल पाटील, निखिल पाटील, मुकेश पाटील, शुभम पाटील, अनिकेत पाटील, विनायक पाटील, सुरज पाटील, मधू पाटील, शिवाजी पाटील यांच्यासह पाटील गल्लीतील अनेक कार्यकर्ते आणि नागरिक उपस्थित होते.

कार्यक्रमाच्या शेवटी दत्ताजी पाटील यांनी उपस्थितांचे आभार मानून समारंभाची सांगता केली.