बेळगाव : मराठा मंडळ अभियांत्रिकी महाविद्यालयात (MMEC) नुकत्याच 29 नोव्हेंबर रोजी आयोजित केलेल्या राज्यस्तरीय NSS परिषदेत मराठा मंडळ पॉलिटेक्निकने उल्लेखनीय कामगिरी नोंदवली. पॉलिटेक्निकच्या दीपिका सूर्यवंशी (CS – 3rd sem) आणि संस्कृती सावलगी (EC – 1st sem) यांना त्यांच्या प्रभावी व उत्कृष्ट सादरीकरणासाठी ‘बेस्ट प्रेझेंटेशन’ पुरस्काराने गौरविण्यात आले.
समारोप कार्यक्रमादरम्यान पुरस्कार व प्रमाणपत्रे MMEC चे प्राचार्य डॉ. प्रवीण चिट्टी यांच्या हस्ते विद्यार्थिनींना प्रदान करण्यात आली. त्यांच्या या यशामुळे महाविद्यालयात समाधानाचे आणि अभिमानाचे वातावरण निर्माण झाले आहे.
या विजयानिमित्त पॉलिटेक्निकचे प्राचार्य R. S. सूर्यवंशी, उपप्राचार्य A. P. तोरवी, CS विभागप्रमुख R. N. मोटार, E&C विभागप्रमुख M. N. जावळकर, तसेच NSS समन्वयक G. K. शिवयोगीमठ यांनी विद्यार्थिनींचे मनःपूर्वक अभिनंदन केले.
विद्यार्थिनींच्या या कामगिरीमुळे मराठा मंडळ पॉलिटेक्निकने राज्यस्तरीय NSS उपक्रमात पुन्हा एकदा आपली शैक्षणिक व सामाजिक बांधिलकी सिद्ध केली आहे.
