दहावीच्या फेरतपासणी निकालात ताराराणी हायस्कूलने पुन्हा एकदा आपल्या गुणवत्तेचा ठसा उमटवत जिल्ह्यात मानाचा झेंडा फडकवला आहे. शाळेची विद्यार्थिनी कु. जान्हवी शामराव पाटील हिने उल्लेखनीय कामगिरी करत ६२५ पैकी तब्बल ६१७ गुण मिळवले आहेत.
९८.७२ टक्के गुणांसह जान्हवीने बेळगाव जिल्ह्यात मराठी माध्यमातून प्रथम क्रमांक पटकावला असून तिच्या या यशामुळे शाळा, शिक्षक आणि पालकांमध्ये आनंदाचे वातावरण निर्माण झाले आहे.
फेरतपासणीनंतर गुणांमध्ये झालेल्या वाढीमुळे जान्हवीच्या मेहनतीला योग्य न्याय मिळाल्याची भावना व्यक्त होत आहे. तिच्या या उज्ज्वल यशामुळे ताराराणी हायस्कूलच्या शैक्षणिक परंपरेत आणखी एक मानाचा अध्याय जोडला गेला आहे.
या यशाबद्दल संस्थेच्या अध्यक्षा डॉ. राज्यश्रीताई नागराजु मॅडम, संस्थेचे पदाधिकारी, मुख्याध्यापक, शिक्षकवृंद तसेच पालकांनी जान्हवीचे अभिनंदन करून तिच्या पुढील शैक्षणिक वाटचालीस शुभेच्छा दिल्या आहेत.
