मराठी विद्यानिकेतनमध्ये जागृती मंच उद्घाटन सोहळा संपन्न
मराठी विद्यानिकेतनमध्ये समाजभान जपण्यासाठी जागृती मंच स्थापन करण्यात आला आहे. या उद्घाटन सोहळ्यासाठी प्रमुख पाहुणे डॉ. शिवाजीदादा कागणीकर उपस्थित होते.कार्यक्रमाची सुरुवात' सदैव सैनिका पुढेच जायचे 'या स्फूर्तीगीताने संगीत शिक्षक सहदेव कांबळे यांच्या मार्गदर्शनाने आठवीच्या विद्यार्थ्यांनी सादर केले.
कार्यक्रमाचे प्रास्ताविक शाळेच्या शिक्षण संयोजिका नीला आपटे यांनी केले. डॉ. शिवाजीदादा कागणीकर यांचे स्वागत शाळा सुधारणा समितीचे अध्यक्ष सुभाष ओऊळकर यांनी पुष्पगुच्छ देऊन केले. प्रमुख मान्यवरांच्या हस्ते जागृती मंचाच्या फलकाचे उद्घाटन केले. उद्घाटक फलक शाळेचे माजी विद्यार्थी अजय सपकाळे यांनी बनवला आहे.सध्याच्या हवा बदलाला आपण माणूसच जबाबदार आहोत, वाहनांची संख्या वाढली, असे होणारे प्रदूषण आपण थांबवले पाहिजे.
कामापुरताच दिव्यांचा वापर करणे, थनबर्ग ग्रेटाची पर्यावरण संदर्भातील लढाई प्रमुख पाहुणे डॉक्टर शिवाजीदादा कागणीकर यांनी आपल्या मनोगतात मांडली. शिक्षण समन्वयक सविता पवार यांनी जागृती मंचाची उद्दिष्टे स्पष्ट केली. ज्यामध्ये सेंद्रिय शेती, संविधान लोकशाही, पर्यावरण ,कला या सर्वांचा अभ्यास केला जाईल. यासाठी इयत्ता सातवी व आठवी वर्गाचे विद्यार्थी जागृती मंचातील कार्यक्रम अनुभवतील.
कार्यक्रम यशस्वीतेसाठी शिक्षण संयोजिका नीला आपटे, माध्यमिक विभागाचे मुख्याध्यापक नारायण उडकेकर व प्राथमिक विभागाचे मुख्याध्यापक बी.जी.पाटील, शिक्षण समन्वयक सविता पवार , अरूण बाळेकुंद्री ,शिक्षकवर्ग, विद्यार्थी यांनी विशेष परिश्रम घेतले. सूत्रसंचालन शाळेतील शिक्षिका रुपाली हळदणकर यांनी केले. आभार प्रदर्शन माध्यमिक विभागाचे मुख्याध्यापक नारायण उडकेकर यांनी मानले.
