बेळगाव : बेळगाव शहराजवळील मच्छे गावात गणपती विसर्जनावेळी दुर्दैवी घटना घडली. गणेशमूर्ती विसर्जनासाठी गेलेल्या विश्वनाथ नाईक (वय 18) या युवकाचा पाण्यात बुडून मृत्यू झाला.
गणेश विसर्जनाची प्रक्रिया सुरू असताना विश्वनाथ नाईक हा पाण्यात उतरला होता. यावेळी तो पाण्यात बुडाल्याची घटना घडली. या दुर्घटनेनंतर परिसरात एकच खळबळ उडाली.
विश्वनाथला पाण्यातून बाहेर काढण्याचे प्रयत्न करण्यात आले. मात्र, या घटनेत त्याचा दुर्दैवी मृत्यू झाला. घटनेची माहिती मिळताच संबंधित यंत्रणांनी घटनास्थळी धाव घेतली.
या दुर्घटनेमुळे मच्छे गावासह परिसरात शोककळा पसरली असून, गणेश विसर्जनावेळी घडलेल्या या घटनेने हळहळ व्यक्त होत आहे.
