बेळगाव : आखाड्याच्या नियोजनासंदर्भात चर्चा करण्यासाठी मध्यवर्ती कुस्ती संघटनेच्या कार्यकारी मंडळाची आणि कुस्तीशौकिनांची महत्त्वपूर्ण बैठक रविवार, दिनांक २५ ऑक्टोबर २०२६ रोजी सकाळी १० वाजता आयोजित करण्यात आली आहे.
संघटनेचे अध्यक्ष पैलवान मारुती घाडी यांच्या शास्त्रीनगर येथील निवासस्थानी ही बैठक होणार आहे. आखाड्याच्या नियोजनाबाबत चर्चा करून पुढील कार्यवाही निश्चित करण्यासाठी या बैठकीचे आयोजन करण्यात आले आहे.
संघटनेच्या कार्यकारी मंडळातील सर्व सदस्यांनी तसेच कुस्तीशौकिनांनी बैठकीला वेळेवर उपस्थित राहावे, असे आवाहन अध्यक्ष पैलवान मारुती घाडी यांनी केले आहे.
