बेळगाव : अखिल भारतीय काँग्रेस समितीच्या मागासवर्गीय महिला विभागाच्या राष्ट्रीय सरचिटणीसपदी वैशाली सुतार यांची नियुक्ती करण्यात आली आहे. यासोबतच त्यांच्याकडे गोवा प्रदेश काँग्रेसच्या प्रभारीपदाची जबाबदारी सोपविण्यात आली आहे. या नियुक्तीबद्दल बेळगावमध्ये त्यांचे अभिनंदन करण्यात येत आहे.
वैशाली सुतार यांच्या नियुक्तीच्या पार्श्वभूमीवर श्री विश्वकर्मा मनु-माय संस्था, एस. पी. एम. रोड, बेळगाव येथील सर्व संचालकांच्या वतीने त्यांचा सत्कार करण्यात आला. यावेळी संस्थेच्या संचालकांनी त्यांचे अभिनंदन करून पुढील वाटचालीसाठी शुभेच्छा दिल्या.
राष्ट्रीय स्तरावरील संघटनात्मक जबाबदारी आणि गोवा प्रदेश काँग्रेसच्या प्रभारीपदाची जबाबदारी मिळाल्याने वैशाली सुतार यांच्या पुढील कार्याकडे लक्ष लागले आहे. त्यांच्या नियुक्तीमुळे बेळगावच्या राजकीय वर्तुळातही या घडामोडीची चर्चा होत आहे.
D Media News | बेळगाव
