कंग्राळी खुर्द - या गावातील तरुण अभियंते महेश मल्लू मोहनगेकर यांनी आपल्या वाढदिवसाचे औचित्य साधून गांवातीत ग्रंथालयाला कांदबरया , सामान्य ज्ञान व कथा संग्रह अशी पुस्तके भेट दिली . या त्यांच्या विधायक उपक्रमाचे शिक्षण प्रेमी नागरिकांतून कौतुक होत आहे .
या निमीत्ताने गावातीत सरकारी ग्रंथालयात झालेल्या कार्यक्रमांत प्रारंभी टी.डी पाटील यांनी सर्वांचे स्वागत करून प्रत्येकाने आपल्या वाढदिवसा निमीत्त असे विधायक उपक्रम राबवण्याचे आवाहन केले .त्यानंतर महेशचे वडील मल्लू मोहनगेकर यांचे हस्ते ग्रंथपाल मधू पाटील यांचेकडे पाणिपत , ययाती , छावा , स्वामी विवेकानंद यासारख्या कादंबर्या , स्पर्धा परीक्षा सामान्य ज्ञान पुस्तके , इंग्रजी स्पीकिंग कोर्स , छ.शिवाजी महाराज यांचे सहकारी 10 विर मावळे यांचे चरीत्र ग्रंथ व बोधकथा या सारखी जवळपास दहा हजाराची पुस्तके सुपूर्त केली . तसेच छ शिवाजी महाराज यांच्या नित्य पुजेसाठी रु 1111 / रूपये ही देणगी दाखल दिले . मनोगत व्यक्त करताना त्यानी या वेळी पुस्तकांचा वापर शालेय विद्यार्थ्यासह गावातील तरुण पिढीने करावा असे आवाहन करत यापुढे आम्ही परिवाराच्या वतीने सतत पुस्तके व शैक्षणिक साहित्य भेट देत राहू असे सांगितले यावेळी मराठी शाळा प्र .मुख्या गोपाळ लाड यांनीही मनोगत व्यक्त करत या उपक्रमाचे कौतुक केले . यावेळी मा सदस्य प्रशांत पाटील , एसडीएमसी अध्यक्ष विक्रम मुतगेकर व त्यांचे सहकारी , मनोज मोहनगेकर मराठी शाळेतील शिक्षक , विद्यार्थी व शिक्षण प्रेमी नागरिक उपस्थित होते . ग्रंथपाल मधू पाटील यांनी ग्रंथालय शालेय विद्यार्थ्याना अभ्यासासाठी रात्री 9 पर्यंत खुले राहिल त्याचा लाभ घ्यावा असे आवाहन करून धन्यवाद देऊन आभार मानले .
