प्राथमिक हँडबॉल स्पर्धेत संत मीरा शाळेला दुहेरी मुकुट.
बेळगांव ता,21. टिळकवाडी येथील वॅक्सिंग डेपो मैदानावर स्वाध्याय विद्या मंदिर शाळा आयोजित श्री छत्रपती शिवाजी क्लस्टरच अनगोळ ,शहापूर,टिळकवाडी मुला- मुलींच्या हँडबॉल स्पर्धेत अनगोळच्या संत मीरा इंग्रजी माध्यम शाळेने दुहेरी मुकुट संपादन केला.
प्राथमिक मुलांच्या अंतिम सामन्यात संत मीरा शाळेने जी जी चिटणीस शाळेचा 8-3 असा पराभव केला, विजयी संघाच्या उत्कर्ष कणसेने 4 गोल, महमंद फरहाने 2 गोल प्रथमेश कुडतुरकर,व हॅरिस यांनी प्रत्येकी 1 गोल केला ,जी जी चिटणीस शाळेतर्फे साकेत यरमाळकरने 2 , आर्या कंग्राळकरने 1गोल केला.
मुलींच्या गटातील पहिल्या उपांत्य सामन्यात संत मीरा शाळेने जी जी चिटणीस शाळेचा 6-0 असा पराभव केला विजयी संघाच्या पूर्वा बडमंजी प्रणिती बडमंजी यांनी प्रत्येकी 2 आरोही देसाई, व ईश्वरी कुलकर्णी यांनी प्रत्येकी 1 गोल केला.
अंतिम लढतीत संत मीरा शाळेने गतविजेत्या बालिका आदर्श शाळेचा अटीतटीच्या लढतीत 5-4 असा पराभव करित स्पर्धेचे विजेतेपद पटकाविले विजयी संघाच्या आरोही देसाईने 2 गोल, पूर्वी बडमंजी, प्रणिती बडमंजी ईश्वरी कुलकर्णी यांनी प्रत्येकी 1 गोल केला पराभूत बालिका आदर्श शाळेतर्फे श्रेया मजुकर श्रेया खन्नुरकर यांनी प्रत्येकी 1 गोल केला.
प्रमुख पाहुणे क्रीडाभारती राज्यसचिव व ज्येष्ठ अथलेटिक प्रशिक्षक अशोक शिंत्रे ,सिल्वीया डिलीमा, प्रवीण पाटील, शिवकुमार, बापू देसाई, पार्लेकर या मान्यवरांच्या हस्ते स्पर्धेचे उद्घाटन व विजेत्या संघांना चषक प्रमाणपत्र देऊन गौरविण्यात आले, याप्रसंगी क्रीडाशिक्षक जयसिंग धनाजी, उमेश बेळगुंदकर ,उमेश मजुकर ,चंद्रकांत पाटील, शिवकुमार सुतार, यश पाटील, रामलिंग परिट ,अर्जुन भेकणे ,देवेंद्र कुडची उपस्थित होते.
