बेंगलुरू येथील झी स्विमिंग अकॅडमीत नुकत्याच झालेल्या कर्नाटक राज्य पॅरा जलतरण संघटनेच्या राज्यस्तरीय स्पर्धेत बेळगावच्या आबा हिंद क्लबच्या जलतरणपटूंनी आपल्या कौशल्याची चमक दाखवत तब्बल १० सुवर्ण आणि ५ रौप्य पदकांचे घवघवीत यश संपादन केले.
या स्पर्धेत
कुमार ओम जुवळी यांनी १ सुवर्ण व २ रौप्य,
कुमार शुभम कांबळे यांनी २ सुवर्ण व १ रौप्य,
कुमार मयांक हलदर यांनी १ सुवर्ण व २ रौप्य,
कुमार विशाल पवार यांनी १ सुवर्ण,
कुमारी संचिता सातपुते यांनी ३ सुवर्ण,
तर कुमारी आरोही सुरतकर यांनी ३ सुवर्ण पदकांची कमाई केली.
बेळगावचा हा जलतरण चमू गोवावेस येथील महापालिकेच्या जलतरण तलावात नियमित सराव करतो. त्यांना एन.आय.एस. प्रशिक्षक विश्वास पवार, तसेच रणजीत पाटील आणि विशाल वेसणे यांचे मार्गदर्शन लाभत आहे. प्रशिक्षकांच्या मार्गदर्शनाखाली या जलतरणपटूंनी केलेली ही कामगिरी बेळगावसाठी अभिमानास्पद ठरली आहे.
या उल्लेखनीय यशामुळे बेळगावच्या पॅरा जलतरण क्षेत्राला नवी ओळख मिळाली असून, आगामी राष्ट्रीय स्पर्धांमध्येही हे खेळाडू चमक दाखवतील, अशी अपेक्षा व्यक्त केली जात आहे.
