बिदर :
दिनांक ३० आणि ३१ ऑक्टोबर २०२५ रोजी बिदर येथे झालेल्या राज्यस्तरीय टेबल टेनिस स्पर्धेत बेळगावच्या एस. के. सोसायटीच्या जीएसएस पदवीपूर्व महाविद्यालयाने उल्लेखनीय यश मिळवले आहे. या स्पर्धेत जीएसएसच्या विद्यार्थ्यांनी उत्कृष्ट खेळ सादर करत द्वितीय पारितोषिकासह प्रमाणपत्र आणि पदक पटकावले.
या स्पर्धेसाठी बेळगाव, बेंगळुरू, कारवार, मंड्या आणि कोलारसह राज्यातील विविध भागांतून अनेक स्पर्धक सहभागी झाले होते. तगड्या प्रतिस्पर्ध्यांशी सामना करत जीएसएसच्या विद्यार्थ्यांनी आपल्या दमदार खेळामुळे परीक्षकांचे लक्ष वेधून घेतले.
टीम मॅनेजर म्हणून प्रा. अनघा वैद्य या संपूर्ण स्पर्धेदरम्यान विद्यार्थ्यांसोबत उपस्थित राहून मार्गदर्शन करत होत्या. त्यांच्या मार्गदर्शनाखाली विद्यार्थ्यांनी संघभावना आणि कौशल्य दाखवत उत्कृष्ट यश संपादन केले.
या कामगिरीबद्दल महाविद्यालयाचे प्राचार्य, शिक्षकवर्ग आणि विद्यार्थ्यांनी विजेत्या संघाचे अभिनंदन केले आहे.
