बेळगाव :
सिव्हिल हॉस्पिटल परिसरातील पार्किंगमध्ये वाढत चाललेल्या सुरक्षाव्यवस्थेच्या त्रुटीचा आणखी एक प्रत्यय १८ नोव्हेंबर २०२५ रोजी पहाटे आला. पार्किंगमध्ये उभी असलेली एक दुचाकी अज्ञात चोरट्यांनी चोरी करून नेली. ही संपूर्ण घटना तेथे बसवलेल्या CCTV कॅमेऱ्यात स्पष्टपणे दिसून आली आहे.
दुचाकीचे मालक सतीश मुतगेकर (रा. कंग्राळी KH) यांनी तत्काळ एपीएमसी पोलीस स्थानकात तक्रार दाखल केली. मात्र पंधरा दिवस उलटूनही पोलिसांकडून कोणतीही ठोस किंवा समाधानकारक कारवाई न झाल्याचा आरोप त्यांनी केला आहे. उलट उडवाउडवीची उत्तरे मिळत असल्याचे मुतगेकर यांनी सांगितले.
चोरीला गेलेल्या दुचाकीचा क्रमांक KA22Y6732 असून अद्याप चोराचा ठावठिकाणा लागलेला नाही. नागरिकांचा आरोप आहे की हॉस्पिटल परिसरासारख्या महत्त्वाच्या ठिकाणी सुरक्षा कडक असणे गरजेचे आहे. अशा प्रकारच्या घटनांकडे दुर्लक्ष न करता पोलिसांनी तातडीने कारवाई करावी, अशी मागणी जनतेकडून होत आहे.
