बागलकोट येथे ईसीएचएस पॉलिक्लिनिकचे उद्घाटन; सुमारे ६ हजार माजी सैनिकांना दर्जेदार आरोग्यसेवा उपलब्ध
बागलकोट : भारतीय सैन्याच्या कर्नाटक आणि केरळ सब एरिया अंतर्गत बागलकोट येथे नवीन ईसीएचएस (Ex-Servicemen Contributory Health Scheme) पॉलिक्लिनिकचे उद्घाटन नुकतेच करण्यात आले. या केंद्राचे उद्घाटन ब्रिगेडियर जॉयदीप मुखर्जी, स्टेशन कमांडर बेलगाव यांच्या हस्ते ३ नोव्हेंबर २०२५ रोजी झाले.
या पॉलिक्लिनिकच्या माध्यमातून बागलकोट व परिसरातील सुमारे ६ हजार माजी सैनिक व त्यांच्या कुटुंबीयांना दर्जेदार आरोग्यसेवा मिळणार आहे. उद्घाटन सोहळ्यास वरिष्ठ लष्करी अधिकारी, माजी सैनिक तसेच ईसीएचएस लाभार्थ्यांचे कुटुंबीय उपस्थित होते.
नवीन केंद्रात आधुनिक वैद्यकीय उपकरणांसह प्रशिक्षित वैद्यकीय कर्मचारी नियुक्त करण्यात आले असून, उपचार सेवा अधिक कार्यक्षम आणि सुलभ करण्यावर भर देण्यात आला आहे.
या प्रसंगी ब्रिगेडियर मुखर्जी यांनी प्रकल्प यशस्वी करण्यासाठी योगदान दिलेल्या सर्वांचे आभार मानले. त्यांनी सांगितले की, “राष्ट्रासाठी आपले आयुष्य समर्पित करणाऱ्या माजी सैनिकांना आणि त्यांच्या कुटुंबियांना गुणवत्तापूर्ण आरोग्यसेवा देणे ही आपली जबाबदारी आणि कर्तव्य आहे.”
बागलकोट येथील ईसीएचएस पॉलिक्लिनिकची स्थापना ही भारतीय सैन्याच्या आपल्या वीर जवानांच्या कल्याणासाठीच्या सातत्यपूर्ण प्रयत्नांचे प्रतीक ठरत आहे.
