बेळगाव : राष्ट्रीय स्वयंसेवक संघातर्फे बेळगाव शहरात पथसंचलनाचे आयोजन करण्यात आले होते. या पथसंचलनात संघाचे स्वयंसेवक मोठ्या संख्येने सहभागी झाले होते. शहरातील विविध ठिकाणी रांगोळ्या, स्वागत कमानी आणि पुष्पवृष्टीद्वारे पथसंचलनाचे उत्साहात स्वागत करण्यात आले.
बेळगावातील सरदार मैदानापासून पथसंचलनाला सुरुवात झाली. पथसंचलनाच्या अग्रभागी असलेल्या घोष पथकाने उपस्थितांचे लक्ष वेधून घेतले. स्वयंसेवकांच्या शिस्तबद्ध संचलनाने शहरातील नागरिकांचे लक्ष आकर्षित केले.
पथसंचलनाच्या मार्गावर ठिकठिकाणी सडा घालून आकर्षक रांगोळ्या काढण्यात आल्या होत्या. विविध ठिकाणी स्वागत कमानी उभारून पथसंचलनाचे स्वागत करण्यात आले. काही ठिकाणी स्वयंसेवकांवर पुष्पवृष्टी करून स्वागत करण्यात आले.
सरदार मैदानापासून सुरू झालेल्या या पथसंचलनाची सांगता लिंगराज कॉलेजच्या मैदानावर झाली.
