मराठा लाइट इन्फंट्री रेजिमेंटल सेंटर, बेळगाव येथे 7 ते 11 ऑगस्ट 2026 या कालावधीत युनिट मुख्यालय कोटा (UHQ) अंतर्गत अग्निवीर भरती रॅली आयोजित करण्यात आली आहे. छत्रपती शिवाजी स्टेडियम येथे होणाऱ्या या भरती प्रक्रियेत अग्निवीर जनरल ड्यूटी, अग्निवीर क्लर्क आणि अग्निवीर ट्रेड्समन पदांसाठी पात्र उमेदवारांना संधी उपलब्ध होणार आहे.
ही भरती विशेषतः युद्धात शहीद झालेल्या जवानांच्या विधवा व पाल्यांसाठी, सेवेत असलेल्या तसेच माजी सैनिकांच्या पत्नी, पुत्र व भावांसाठी, गुणवंत क्रीडापटूंसाठी आयोजित करण्यात आली आहे. म्युझिशियन ट्रेड मात्र सर्व पात्र उमेदवारांसाठी खुला ठेवण्यात आला आहे.
1 ऑक्टोबर 2025 रोजीचे वय 17 वर्षे 6 महिने ते 22 वर्षे या दरम्यान असणे आवश्यक आहे. शारीरिक चाचणी आणि वैद्यकीय तपासणीत पात्र ठरलेल्या उमेदवारांना 11 ऑक्टोबर 2026 रोजी होणाऱ्या कॉमन एंट्रन्स एक्झामिनेशन (CEE) ला उपस्थित राहावे लागणार आहे.
पात्रता, आवश्यक कागदपत्रे आणि भरती प्रक्रियेविषयी अधिक माहितीसाठी इच्छुक उमेदवारांनी मराठा लाइट इन्फंट्री रेजिमेंटल सेंटर, बेळगाव येथे संपर्क साधावा, असे आवाहन करण्यात आले आहे.
