बेळगाव : लोकापूर–येरगट्टी मार्गावर झालेल्या भीषण रस्ता अपघातात एका 23 वर्षीय तरुण दुचाकीस्वाराचा मृत्यू झाल्याची घटना घडली आहे. या प्रकरणी कटकळ पोलीस ठाण्यात गुन्हा दाखल करण्यात आला असून तपास सुरू आहे.
पोलिसांनी दिलेल्या माहितीनुसार, 8 जून 2026 रोजी पहाटे सुमारे 4 वाजण्याच्या सुमारास एम. चंदरगी गावाच्या हद्दीत संजू हळ्ळी यांच्या शेताजवळ हा अपघात झाला.
यादगिरी जिल्ह्यातील बम्मनगुड्ड तांडा येथील रहिवासी जगदीश रवी पवार (वय 23) हे आपल्या बजाज पल्सर एनएस 125 दुचाकीवरून बागलकोटकडून बेळगावच्या दिशेने जात होते. यावेळी रस्त्यावर कोणतेही संकेत फलक किंवा इशारा न देता उभ्या करण्यात आलेल्या टाटा गुड्स ट्रकला दुचाकीची मागील बाजूस जोरदार धडक बसली.
या अपघातात जगदीश यांच्या डोक्याला व डाव्या पायाला गंभीर दुखापत झाली. उपचारापूर्वीच त्यांचा मृत्यू झाला.
अपघातास कारणीभूत ठरल्याच्या आरोपावरून ट्रक चालकाविरोधात कटकळ पोलीस ठाण्यात भारतीय न्याय संहिता कलम 285 आणि 106(1) अंतर्गत गुन्हा नोंदवण्यात आला आहे. पुढील तपास पोलीस करत आहेत.
