“सायकलवरून नागरिकांच्या भेटीला” — आमदार अभय पाटील यांचा दक्षिण भाग विकासाचा नवा उपक्रम
बेळगाव :
बेळगाव दक्षिणचे आमदार अभय पाटील यांनी नागरिकांशी थेट संवाद साधण्यासाठी एक अनोखा आणि लोकाभिमुख उपक्रम सुरू केला आहे. गेल्या काही दिवसांपासून ते सायकलवरून दक्षिण भागातील विविध अपार्टमेंटमध्ये जाऊन तेथील रहिवाशांच्या समस्या जाणून घेत आहेत.
आतापर्यंत त्यांनी सुमारे 40 ते 45 अपार्टमेंटना भेट देत नागरिकांच्या अडचणी प्रत्यक्ष ऐकल्या आहेत. या दौऱ्यादरम्यान पाटील यांनी सांगितले की, “दक्षिण भागातील समस्यांची प्रत्यक्ष पाहणी करून त्या सोडवण्यासाठी हा उपक्रम हाती घेतला आहे. लवकरच हा भाग नंदनवनासारखा विकसित करणार आहोत.”
https://youtube.com/shorts/lH4I86qJdRg?si=AxfdrKgSeN3T_0vT
नागरिकांशी संवादादरम्यान 24 तास पाणीपुरवठा, गॅस लाईन सुविधा आणि मोकाट कुत्र्यांचा वाढता त्रास या मुख्य समस्या समोर आल्या आहेत. आमदार पाटील यांनी लवकरच प्रभावी उपाययोजना राबवण्याचे आश्वासन दिले आहे.
डी मीडिया शी बोलताना त्यांनी सांगितले की, “नागरिकांच्या सहकार्याने दक्षिण भाग सर्व सुविधांनी युक्त आणि स्वच्छ परिसर म्हणून उभा करू.”
