बेळगाव पोलिस मुख्यालयात पेव्हर ब्लॉक बसविण्याच्या कामाचा शुभारंभ
बेळगाव : उत्तर मतदारसंघाचे आमदार असीफ (राजू) सैठ यांच्या पुढाकारातून पोलिस मुख्यालय परिसरात पेव्हर ब्लॉक बसविण्याच्या महत्त्वपूर्ण कामाचा शुभारंभ करण्यात आला. या प्रकल्पाचा शुभारंभ युवा नेते आमान सैठ यांच्या हस्ते करण्यात आला.
पोलिस मुख्यालय परिसर अधिक स्वच्छ, सुरक्षित आणि टिकाऊ व्हावा तसेच तेथील अधिकारी, कर्मचारी आणि येणाऱ्या नागरिकांना सुलभ सुविधा मिळाव्यात, या उद्देशाने हे काम हाती घेण्यात आले आहे.
शुभारंभ प्रसंगी आमान सैठ यांनी सांगितले की, “आमदार असीफ (राजू) सैठ यांचे ध्येय म्हणजे मतदारसंघातील प्रत्येक महत्त्वाच्या सार्वजनिक ठिकाणी मूलभूत सुविधांचा विकास करणे. पोलिस मुख्यालयासारख्या संवेदनशील व महत्त्वाच्या ठिकाणी सुविधा उपलब्ध करून दिल्याने कार्यक्षमता वाढते आणि कार्यरत पोलीस दलासाठी एक चांगले वातावरण निर्माण होते.”
या कार्यक्रमाला वरिष्ठ पोलिस अधिकारी, स्थानिक नेते तसेच नागरिक उपस्थित होते. पायाभूत सुविधांमध्ये झालेला हा बदल दीर्घकाळापर्यंत उपयुक्त ठरणार असून परिसर अधिक आकर्षक व सुव्यवस्थित होण्यास मदत करेल, असा विश्वास उपस्थितांनी व्यक्त केला.
