बेळगाव | प्रतिनिधी
अनगोळ येथे आयोजित करण्यात आलेली श्री विश्वकर्मा 2026 क्रिकेट ट्रॉफी मोठ्या उत्साहात व खेळाडूवृत्तीच्या वातावरणात पार पडली. या स्पर्धेत एकूण 16 संघांनी सहभाग नोंदवत क्रिकेटप्रेमींना थरारक सामने पाहण्याची संधी दिली.
या स्पर्धेचे आयोजन श्री विश्वकर्मा मनू मय संस्था, एस.पी.एम. रोड, बेळगाव यांच्या वतीने करण्यात आले होते. अंतिम फेरीसह बक्षीस वितरण समारंभ संस्थेचे उपाध्यक्ष श्री प्रभाकर सुतार आणि दिग्दर्शक श्री यशवंत सुतार यांच्या प्रमुख उपस्थितीत पार पडला.
चुरशीच्या अंतिम सामन्यात एम.एम. कॉलेज संघाने उत्कृष्ट खेळाचे प्रदर्शन करत प्रथम क्रमांक पटकावला, तर संगोळी रायांना वॉरियर्स संघाने द्वितीय क्रमांक मिळवून कौतुकास्पद कामगिरी केली.
स्पर्धेच्या माध्यमातून युवकांमध्ये क्रीडाभावना, संघभावना व शिस्तीचा संदेश देण्यात आला. आयोजकांच्या यशस्वी नियोजनामुळे स्पर्धा सुरळीतपणे पार पडली. विजेत्या व उपविजेत्या संघांचे सर्व स्तरातून अभिनंदन करण्यात येत आहे.
