बेळगाव शहरातील फोर्ट रोड परिसरातील वाढत्या वाहतूक कोंडीच्या पार्श्वभूमीवर पोलीस आयुक्त भुषण गुलाबराव बोरसे यांच्या अध्यक्षतेखाली मंगळवार, 7 मार्च 2026 रोजी महत्त्वपूर्ण बैठक आयोजित करण्यात आली. या बैठकीत फोर्ट रोडवरील ऑटोमोबाईल डीलर्स तसेच विविध व्यावसायिकांनी सहभाग घेतला.
बैठकीदरम्यान पोलीस आयुक्तांनी व्यापाऱ्यांशी थेट संवाद साधत वाहतूक व्यवस्थेतील अडचणी, पार्किंगची समस्या तसेच पावसाळ्यात निर्माण होणाऱ्या पाणी साचण्याच्या प्रश्नांवर सविस्तर चर्चा केली. शहरातील वाहतूक सुधारण्यासाठी प्रशासनाकडून राबविण्यात येणाऱ्या उपाययोजनांबाबतही त्यांनी माहिती दिली.
या बैठकीस डीसीपी निरंजन देवराज उर्स, एसीपी निकम, उत्तर विभागाचे सीपीआय श्रीकांत तोटगी तसेच हेड कॉन्स्टेबल अब्दुल नायक उपस्थित होते.
बेळगाव ऑटोमोबाईल मर्चंट्स असोसिएशनचे अध्यक्ष शरद पाटील यांनी व्यापाऱ्यांच्या वतीने विविध समस्यांकडे लक्ष वेधले. विशेषतः चारचाकी आणि दुचाकी वाहनांच्या पार्किंगची अडचण, फोर्ट रोडवरील पाणी साचण्याची समस्या यावर त्यांनी सविस्तर मांडणी केली.
https://youtube.com/shorts/uskk0mmwcmU?si=m8agQ0McaKraiWux
तसेच शहरातील वाहतूक सुधारण्यासाठी पोलीस प्रशासनाने घेतलेल्या पुढाकारांचे त्यांनी कौतुक करत आभार व्यक्त केले.
या बैठकीत सुहास पाटील (SP Car Accessories), हरीश मेहता (Jyoti Tyres), अमित दोशी (Fit My Tyre), कमरुद्दीन सौदागर (Bharat Automobile), राजन मोदी (Milan Automobiles), इनायत किलेदार, इक्बाल किट्टूर, बाबू, किरण, विशाल पाटील, श्याम धमणे यांसह अनेक व्यापारी उपस्थित होते.
बैठकीनंतर व्यापाऱ्यांनी आपल्या समस्या मांडण्याची संधी मिळाल्याबद्दल समाधान व्यक्त केले असून, प्रशासनाकडून सकारात्मक तोडगा निघेल असा विश्वास व्यक्त केला.
