पोलीस म्हणजे कडक शिस्तीचा, कायद्याचे पालन करणारा, प्रसंगी लाठी उगारणारा असेच चित्र डोळ्यासमोर उभे राहते. पण या खाकी वर्दीच्या आतमध्ये एक संवेदनशील माणूस देखील असतो याचे दर्शम बेळगावच्या पोलीस आयुक्तांच्या कृतीतून घडले.
बेळगावचे पोलीस आयुक्त भूषण गुलाबराव बोरसे यांच्या संवेदनशीलपणा बेळगावच्या वीर राणी कित्तूर चन्नम्मा चौकात पाहायला मिळाला.
भाजपच्या आंदोलनासाठी कार्यकर्ते मोठ्या संख्येने चौकात जमले होते.घोषणाबाजी सुरु होती, रस्त्यावर धरणे सुरु होते. आंदोलन सुरू असतानाच अचानक जोरदार पाऊस सुरु झाला. आंदोलन सुरु असताना पावसाचा जोर वाढला आणि आंदोलनात सहभागी होण्यासाठी आलेल्या काही वृद्धांना पावसापासून बचाव करण्यासाठी आसरा शोधावा लागला.
यावेळी बंदोबस्ताचे निरीक्षण करत असलेले बेळगावचे पोलीस आयुक्त भूषण गुलाबराव बोरसे यांनी वृद्ध आंदोलक पावसात भिजत असलेले पाहिले. त्यांनी पुढे येत या वृद्ध आंदोलकांना आपल्या छत्रीत घेतले.
पोलिस आयुक्तांचा ही एकदम साधी वाटणारी कृती पण उपस्थितांचे लक्ष वेधून घेणारे ठरली. घडला प्रसंग साधा पण पोलीस अधिकाऱ्याच्या संवेदनशील पणाचे दर्शन घडवणारा ठरला.पण मनाला भिडणारा क्षण उपस्थितांच्या नजरेत भरला.
