बेळगाव : गेल्या १५ वर्षांपासून क्लासिकल होमिओपॅथी क्षेत्रात सक्रिय असलेल्या डॉ. मनोज एस. पुजार (MD Hom.) यांनी रुग्णसेवा, क्लिनिकल संशोधन आणि आधुनिक उपचार पद्धतींच्या विकासावर भर देत एक नवा आरोग्यदृष्टिकोन मांडला आहे.
अ‍ॅडव्हान्स्ड जर्मन होमिओपॅथिक क्लिनिक अँड हॉस्पिटलच्या माध्यमातून त्यांनी दीर्घकाळ न भरून येणाऱ्या जखमा (Chronic Non-Healing Wounds) यांसारख्या गुंतागुंतीच्या आरोग्य समस्यांवर सखोल अभ्यास व संशोधन केले आहे. या अभ्यासातून पारंपरिक होमिओपॅथी आणि आधुनिक जखम व्यवस्थापन यांचा समन्वय साधणारी प्रगत उपचार पद्धती विकसित करण्यात आली आहे.
या उपचार पद्धतीमध्ये रुग्णाच्या प्रकृतीचे सूक्ष्म विश्लेषण, वैयक्तिक औषधोपचार, आधुनिक वाउंड केअर तंत्र आणि रुग्णकेंद्रित दृष्टिकोन यांचा समावेश आहे. या समग्र पद्धतीमुळे दीर्घकालीन जखमांमध्ये तसेच इतर गुंतागुंतीच्या आजारांमध्ये सकारात्मक परिणाम दिसून येत असल्याचे संस्थेकडून सांगण्यात आले आहे.
या क्लिनिकमध्ये केवळ जखम उपचारच नव्हे, तर व्हेरिकोज व्हेन्स, व्हेरिकोज अल्सर, हायड्रोसिल, व्हेरिकोसिल, वंध्यत्व, बालरोग, त्वचारोग, हाडे व सांधे विकार, अ‍ॅलर्जी, श्वसनाचे आजार, पचनसंस्था विकार, हार्मोनल असंतुलन आणि इतर अनेक जुनाट आजारांवरही उपचार केले जातात.
रुग्ण प्रत्येक वेगळा असतो, या तत्त्वावर आधारित उपचार पद्धती राबवली जात असल्याचे डॉ. पुजार यांनी स्पष्ट केले. केवळ आजारावर नव्हे तर रुग्णाच्या शारीरिक, मानसिक आणि भावनिक स्थितीचा सखोल विचार करून उपचार दिले जातात. यामुळे शरीरातील नैसर्गिक रोगप्रतिकारक शक्ती सक्रिय होण्यास मदत होते.
दीर्घकालीन जखम रुग्णांसाठी आधुनिक तंत्रज्ञानाचा वापर करत “अ‍ॅडव्हान्स्ड ऑटोमॅटिक ड्रेसिंग बेड” ही विशेष सुविधा सुरू करण्यात आली आहे. ही सुविधा उपचार प्रक्रियेला अधिक सुलभ आणि प्रभावी बनवण्याच्या उद्देशाने विकसित करण्यात आली आहे.
संस्थेचे ध्येय संशोधन, नवकल्पना आणि सतत वैद्यकीय प्रगतीच्या माध्यमातून रुग्णांना अधिक दर्जेदार सेवा देणे हे असल्याचे स्पष्ट करण्यात आले आहे.
“क्लासिकल होमिओपॅथीशी निष्ठा, नवकल्पनांना गती आणि उपचारासाठी समर्पण” हे संस्थेचे मुख्य तत्त्व असल्याचे डॉ. मनोज एस. पुजार यांनी सांगितले.
