विधानपरिषद सदस्य चन्नराज हट्टिहोळी यांची डीसिसी बँक संचालकपदी बिनविरोध निवड
बेळगाव : विधानपरिषद सदस्य चन्नराज हट्टिहोळी यांची डीसिसी (जिल्हा मध्यवर्ती सहकारी) बँक संचालकपदी बिनविरोध निवड झाल्याने त्यांच्या निवासस्थानी उत्साहाचे वातावरण निर्माण झाले. या यशानंतर हट्टिहोळी यांच्या समर्थकांनी मिठाई वाटून जल्लोष केला.
या प्रसंगी राज्याच्या महिला व बालविकास खात्याच्या मंत्री लक्ष्मी हेब्बाळकर, हट्टिहोळी यांची आई गिरीजा हट्टिहोळी, तसेच अनेक अभिमानी कार्यकर्ते व शुभेच्छुक उपस्थित होते.
चन्नराज हट्टिहोळी यांच्या बिनविरोध निवडीमुळे सहकारी क्षेत्रात त्यांच्या कार्यक्षमतेचा व जनसंपर्काचा पुन्हा एकदा प्रत्यय आला आहे.
हट्टिहोळी यांनी या विश्वासाबद्दल सर्व संचालक, सहकारी आणि जनतेचे आभार मानले असून, “शेतकरी व सहकारी क्षेत्राच्या प्रगतीसाठी अधिक प्रभावीपणे काम करू,” अशी भावना व्यक्त केली.
