कंग्राळी बी. के. : नागरिकांच्या आरोग्याची काळजी घेण्यासाठी तारांगण आणि कंग्राळी बी. के. ग्रामस्थ यांच्या संयुक्त विद्यमाने मोफत आरोग्य शिबिराचे आयोजन करण्यात आले आहे.
हे आरोग्य शिबिर रविवार, दिनांक २८ जून २०२६ रोजी सकाळी ९ ते दुपारी २ वाजेपर्यंत कलमेश्वर मंदिर हॉल, कंग्राळी बी. के. येथे होणार आहे.
या शिबिरामध्ये नागरिकांसाठी विविध प्रकारच्या मोफत आरोग्य तपासण्या उपलब्ध करून देण्यात येणार आहेत. यामध्ये रक्तदाब व मधुमेह तपासणीसह हाडांची तपासणी, हृदयरोग तपासणी, डोळ्यांची तपासणी, दंत तपासणी, स्त्रीरोग तपासणी आणि लहान मुलांची आरोग्य तपासणी केली जाणार आहे.
रक्तदाब, मधुमेह आणि हृदयरोग तपासणीसाठी सेंट्रा केअर सुपर स्पेशालिटी हॉस्पिटलचे सहकार्य लाभणार आहे. हाडांच्या तपासणीसाठी श्री ऑर्थो अँड ट्रॉमा केअर, डोळ्यांसाठी एम. एम. जोशी कोडकिणी आय सेंटर, दंत तपासणीसाठी वन डेंटल, स्त्रीरोग तपासणीसाठी गिजरे मॅटर्निटी हॉस्पिटल तसेच बालरोग तपासणीसाठी नोबल केअर चिल्ड्रन्स हॉस्पिटल सहभागी होणार आहेत.
या उपक्रमासाठी ग्रामपंचायत सदस्य सौ. मेनका कोरडे तसेच मा. अध्यक्ष, जिल्हा वकील संघटना बेळगाव अॅड. सुधीर चव्हाण यांचे विशेष सहकार्य लाभत आहे.
शिबिरासाठी विविध युवक मंडळे, श्री कलमेश्वर सेवा समिती आणि माजी सैनिक संघटना कंग्राळी बी. के. यांचा सहभाग राहणार आहे.
सर्व नागरिकांनी या मोफत आरोग्य शिबिराचा लाभ घ्यावा, असे आवाहन आयोजकांच्या वतीने करण्यात आले आहे.
