रेल्वे बस स्थानकावरील आजारी भिक्षुक महिलेला 'यांनी' दिला दिलासा
बेळगाव रेल्वे स्थानकासमोरील बस स्थानकावर अनेक दिवसांपासून बेवारस कष्टी जीवन जगणाऱ्या एका वृद्ध भिक्षुक महिलेला सामाजिक संघटना आणि स्थानिक पोलिसांनी मदतीचा हात देऊन रुग्णालयात दाखल करण्याद्वारे तिला दिलासा दिल्याची घटना आज घडली.
मिळालेल्या माहितीनुसार रेल्वे बस स्थानकावरील संबंधित महिला ही मदतीशिवाय उभे राहता किंवा चालता येत येणार नाही इतकी मानसिक आणि शारीरिकदृष्ट्या कमकुवत बनली होती. सध्याच्या थंडीत बस स्थानक आवारात अपुऱ्या कपड्यानिशी उघड्यावर झोपत असल्यामुळे तिची प्रकृती धोक्यात आली होती.
याबाबतची माहिती मिळताच, समाजकार्याला वाहून घेतलेल्या यंग बेळगाव फाउंडेशनच्या सदस्यांनी ताबडतोब स्थानिक पोलिस आणि रुग्णवाहिकेसह रेल्वे बस स्थानकाकडे धाव घेतली. त्या ठिकाणी पोहोचताच जलद समन्वयाने त्या असहाय्य भिक्षुक महिलेला त्यांनी सुरक्षितपणे बीम्स हॉस्पिटलमध्ये हलविले. सध्या बीम्समध्ये तिच्यावर वैद्यकीय उपचार करून काळजी घेतली जात आहे. हॉस्पिटलच्या वैद्यकीय अधिकाऱ्यांनी दीर्घकाळ संपर्क आणि दुर्लक्षामुळे होणाऱ्या संभाव्य घातक परिणामांना सामोरे जाण्याची शक्यता असलेल्या संबंधित महिलेला वेळेवर बचाव आणि वैद्यकीय मदत मिळाल्यामुळे तिची प्रकृती धोक्याबाहेर असल्याचे स्पष्ट केले.
सदर मदतकार्य यशस्वी करण्यासाठी स्थानिक पोलिस आणि रुग्णवाहिका कर्मचाऱ्यांसह सामाजिक कार्यकर्ते ॲलन विजय मोरे, अवधूत तुडवेकर, राजू तक्केकर, मायकल पिंटो आणि आसिफ मुजावर यांनी विशेष परिश्रम घेतले. ही घटना सार्वजनिक ठिकाणी बेघर आणि मानसिकदृष्ट्या असुरक्षित व्यक्तींच्या दुर्दशेबद्दल समन्वित सामुदायिक कृती आणि संवेदनशीलतेचे महत्त्व अधोरेखित करते.
