बेळगांव प्रतिनिधी
स्पर्धा परीक्षांच्या माध्यमातून प्रशासन सेवेत प्रवेश मिळवण्याचे स्वप्न पाहणाऱ्या बेलगाव विभागातील युवकांसाठी एक महत्त्वाची संधी उपलब्ध झाली आहे. IAS आणि KAS परीक्षांची तयारी करणाऱ्या विद्यार्थ्यांसाठी INDIA4IAS संस्थेच्या वतीने ऑल इंडिया स्कॉलरशिप टेस्ट आयोजित करण्यात आली आहे.
ही परीक्षा रविवार, 31 मे 2026 रोजी बेळगांवातील नागनूर श्री रुद्राक्षी मठ परिसरातील श्री सिद्धरामेश्वर शिक्षण संस्थेच्या आवारात पार पडणार आहे. या उपक्रमामध्ये उत्कृष्ट कामगिरी करणाऱ्या विद्यार्थ्यांना पात्रतेनुसार 100 टक्क्यांपर्यंत शिष्यवृत्ती देण्यात येणार असल्याची माहिती आयोजकांनी दिली.
स्पर्धा परीक्षांसाठी दर्जेदार मार्गदर्शन आणि आर्थिक सहाय्य मिळावे या उद्देशाने या परीक्षेचे आयोजन करण्यात आले असून बेळगांवसह सीमाभागातील अधिकाधिक विद्यार्थ्यांनी या संधीचा लाभ घ्यावा, असे आवाहन करण्यात आले आहे.
या उपक्रमासाठी महांतेश वक्कुंद फाउंडेशनचे सहकार्य लाभले आहे. इच्छुक विद्यार्थ्यांनी अधिक माहितीसाठी 99024 04443 या क्रमांकावर संपर्क साधावा.
