दिल्ली येथे नुकत्याच पार पडलेल्या ६९ व्या राष्ट्रीय शालेय क्रीडा व खेळ स्पर्धेत (School Games Federation of India) बेळगावच्या स्विमर्स क्लब बेळगाव आणि अॅक्वेरियस स्विम क्लबच्या खेळाडूंनी उल्लेखनीय यश संपादन करत शहराच्या क्रीडा इतिहासात मानाचा ठसा उमटवला आहे.
ही राष्ट्रीय पातळीवरील जलतरण स्पर्धा २९ नोव्हेंबर ते ५ डिसेंबर २०२५ (मुलांसाठी) आणि १२ ते १७ डिसेंबर २०२५ (मुलींसाठी) दिल्ली येथे पार पडली. या स्पर्धेत बेळगावच्या चार जलतारकांनी मिळून एकूण ९ पदकांची कमाई केली असून त्यात ४ सुवर्ण, ३ रौप्य आणि २ कांस्य पदकांचा समावेश आहे.
🏅 पदक विजेत्यांचा तपशील :
🔹 समृद्धी हलकरे (अंडर-१७ गट)
▪️ 200 मीटर बॅकस्ट्रोक – 🥇 सुवर्ण
▪️ 4x100 मीटर मेडले रिले – 🥇 सुवर्ण
▪️ 4x100 मीटर फ्रीस्टाईल रिले – 🥉 कांस्य
🔹 अमन सुनगार (अंडर-१९ गट)
▪️ 4x100 मीटर मेडले रिले – 🥇 सुवर्ण
▪️ 100 मीटर बॅकस्ट्रोक – 🥈 रौप्य
▪️ 200 मीटर बॅकस्ट्रोक – 🥈 रौप्य
🔹 सुनिधी हलकरे (अंडर-१९ गट)
▪️ 200 मीटर बॅकस्ट्रोक – 🥈 रौप्य
▪️ 100 मीटर बॅकस्ट्रोक – 🥉 कांस्य
🔹 वेदांत मिसाळे (अंडर-१४ गट)
▪️ 4x100 मीटर मेडले रिले – 🥇 सुवर्ण
▪️ नवीन राष्ट्रीय विक्रम : 4 मिनिटे 20 सेकंद
(मागील विक्रम – 4:25)
हे सर्व खेळाडू सुवर्ण JNMC ऑलिम्पिक साईज स्विमिंग पूल आणि KLE इंटरनॅशनल स्विमिंग पूल, बेळगाव येथे नियमित सराव करत असून, त्यांना उमेश काळघाटगी यांच्या मार्गदर्शनाखाली
अक्षय शेरगर, अजिंक्य मेंढे, नितीश कुदुचकर, गोवर्धन काकतकर, इमरान उचगांवकर आणि विनायक अंबेवाडिकर या प्रशिक्षकांचे मोलाचे मार्गदर्शन लाभत आहे.
या यशामागे डॉ. प्रभाकर कोरे (अध्यक्ष – KLE सोसायटी),श्री. जयंत हुंबरवाडी (अध्यक्ष – जयभारत फाउंडेशन),आर.टी.एन. अविनाश पोतदार,सौ. मॅनेक कपाडिया,सौ. लता किट्टूर,सुधीर कुसाणे,प्रसाद तेंडुलकर
यांच्यासह असंख्य क्रीडाप्रेमींचा सततचा पाठिंबा लाभल्याचे सांगण्यात आले.
