मंत्री सतीश जारकिहोळींचे खुलासे – चन्नराज हट्टीहोळी निवडणूक रिंगणातून माघारी
बेळगाव : जिल्हा सहकारी केंद्रीय बँक (डीससीसी बँक) संचालक मंडळाच्या निवडणुकीत अनपेक्षित वळण लागले आहे. मंत्री सतीश जारकिहोळी यांनी केलेल्या विधानानंतर राजकीय वर्तुळात चर्चेला उधाण आले आहे.
जारकिहोळी यांनी प्रसिद्ध केलेल्या व्हिडिओ निवेदनात, परिषदेचे सदस्य चन्नराज हट्टीहोळी यांनी निवडणूक रिंगणातून माघार घेतल्याची माहिती दिली. काही महिन्यांपासून हट्टीहोळी यांची उमेदवारी निश्चित असल्याचे मानले जात होते. खानापूर तालुक्यातील पीकेपीएस संचालकांचा पाठिंबा मिळवण्यातही ते यशस्वी झाले होते.
परंतु, सतीश जारकिहोळी यांच्या हस्तक्षेपामुळे चन्नराज हट्टीहोळी यांनी निवडणुकीतून मागे सरकण्याचा निर्णय घेतल्याचे समजते. या निर्णयामागील खरे राजकीय समीकरण काय आहे, हे लवकरच स्पष्ट केले जाईल, असेही सतीश जारकिहोळी यांनी नमूद केले.
यामुळे आगामी डीससीसी बँक निवडणुकीत मोठा ट्विस्ट आला असून जिल्ह्यातील राजकारणाला नवे वळण मिळणार आहे.
Also read
