उत्तर कन्नड जिल्ह्यातील दांडेली गावात मोठ्या मगरीच्या वावराने जनतेत भीतीचे वातावरण पसरले आहे. गावाच्या लगत असलेल्या काळी नदीतून मगर दांडेली गावात येत आहे. पेपर मिलची कॉलनी असलेल्या भागात मगर फिरत असल्याने लोकांना घराबाहेर पडण्याची भीती वाटत आहे. मगरीच्या वावरामुळे रात्रीच्यावेळी घराबाहेर कामासाठी बाहेर पडण्याचे देखील जोखमीचे झाले आहे.
गावातील विद्यार्थ्यांना देखील शाळेला येताना जाताना भीती वाटत आहे. गावात फिरून काही काळाने मगर पुन्हा नदीत जाते आणि परत येते. मगरीच्या वावराबाबत लोकांनी वन विभागाला कळवले आहे पण त्याबाबत वन खात्याने अद्याप कोणतीही कारवाई केली नाही. मगरीचा वन खात्याने त्वरित बंदोबस्त करावा अशी मागणी नागरिकांनी केली आहे.
