बेळगावात छत्रपती संभाजी महाराज जयंती उत्साहात; दरवर्षी उत्सव साजरा करण्याचा निर्णय
बेळगाव : प्रतिनिधी
सांबरा येथील शिवमुद्रा युवा मंचाच्या वतीने छत्रपती संभाजी महाराज यांची जयंती आज उत्साहपूर्ण वातावरणात साजरी करण्यात आली. बेळगावातील छत्रपती संभाजी महाराजांच्या पुतळ्यास पुष्पहार अर्पण करून अभिवादन करण्यात आले. यावेळी सामाजिक बांधिलकी आणि इतिहासाबद्दल जागृती निर्माण करण्यासाठी दरवर्षी संभाजी महाराजांची जयंती साजरी करण्याचा निर्धार मंचाच्या कार्यकर्त्यांनी व्यक्त केला.
कार्यक्रमात माजी आमदार संजय पाटील तसेच भाजपा बेळगाव ग्रामीण जिल्हाध्यक्ष युवराज जाधव यांनी छत्रपती संभाजी महाराजांच्या मूर्तीला पुष्पहार अर्पण करून अभिवादन केले. उपस्थितांनी “धर्मवीर संभाजी महाराज अमर रहें” अशा घोषणांनी परिसर दणाणून सोडला.
यावेळी भाजपा ग्रामीण युवा मोर्चाचे अध्यक्ष विक्रम सोनाजी, शिवमुद्रा युवा मंचाचे कार्यकर्ते सुधीर हिरोजी, सोमनाथ सावंगावकर, मोहन जोई, ज्योतिबा हरजी, सोमनाथ अकनोजी, सचिन सोनाजी, प्रांजल जत्राटी, राधिका गिरमल, मिथाली जाधव, निधी हिरोजी यांच्यासह अनेक शिवभक्त उपस्थित होते.
कार्यक्रमातून छत्रपती संभाजी महाराजांच्या विचारांचा प्रचार-प्रसार करण्याचा संकल्पही करण्यात आला.
