बेळगाव : शहरातील सार्वजनिक शिवजयंती उत्सवाच्या तयारीसाठी मध्यवर्ती सार्वजनिक शिवजयंती उत्सव मंडळाची महत्वपूर्ण बैठक रविवारी (दि. ५) आयोजित करण्यात आली आहे.
ही बैठक रामलिंगखिंड गल्ली परिसरातील जत्तीमठ देवस्थान येथे सायंकाळी ४.३० वाजता पार पडणार आहे. आगामी शिवजयंती उत्सवाचे नियोजन, कार्यक्रमांची आखणी आणि विविध मंडळांमधील समन्वय यावर या बैठकीत चर्चा होणार आहे.
शहर तसेच उपनगरातील सर्व सार्वजनिक शिवजयंती उत्सव मंडळांचे पदाधिकारी आणि शिवभक्तांनी मोठ्या संख्येने उपस्थित राहावे, असे आवाहन मंडळाचे खजिनदार प्रकाश मरगाळे यांनी केले आहे.
