बेळगाव : माजी केंद्रीय रेल्वे राज्यमंत्री तथा साधी राहणी आणि नम्र स्वभावासाठी ओळखले जाणारे दिवंगत श्री सुरेश अंगडी यांच्या जन्मदिनानिमत आज बेळगाव येथील कित्तूर राणी चन्नम्मा सर्कल परिसरातील श्री गणेश मंदिरात विशेष प्रार्थना करण्यात आली.
यावेळी उपस्थित मान्यवरांनी दिवंगत सुरेश अंगडी यांच्या कार्याचा गौरवपूर्ण स्मरण करत त्यांच्या विकासाभिमुख नेतृत्वाला अभिवादन केले. कर्नाटकाच्या सर्वांगीण विकासासाठी त्यांनी केलेले योगदान तसेच रेल्वे आणि पायाभूत सुविधांच्या क्षेत्रात राबविलेल्या विविध प्रकल्पांची आठवण उपस्थितांनी यावेळी जागवली.
सुरेश अंगडी यांच्या दूरदृष्टीमुळे आणि अथक प्रयत्नांमुळे राज्यातील अनेक विकासकामांना गती मिळाली असून त्यांच्या कार्याचा ठसा आजही जनमानसात कायम असल्याचे वक्त्यांनी नमूद केले.
या प्रसंगी माजी खासदार सौ. मंगला अंगडी, खासदार जगदीश शेट्टर, भाजप नेते किरण जाधव, राजन जाधव, अनुप काटे, ईरय्या खोता, हणमंत कागलकर, चेतना अंगडी, संजय भंडारी, राहुल मुचंडी, विजय भद्र, नागराज पाटील, मुक्तार फातान, सविता कार्डी, अॅड. महावीर, राज पाटील यांच्यासह पक्षाचे पदाधिकारी व कार्यकर्ते मोठ्या संख्येने उपस्थित होते.
