बेळगाव उत्तर मतदारसंघात सुरू असलेल्या SIR (Special Intensive Revision) प्रक्रियेचा वेग संथ असल्याने नागरिकांना विविध अडचणींचा सामना करावा लागत आहे. या पार्श्वभूमीवर भाजपचे राज्य उपाध्यक्ष तथा माजी आमदार अनिल बेनके यांनी जिल्हाधिकारी मोहम्मद रोशन यांची भेट घेऊन परिस्थितीची माहिती दिली.
यावेळी SIR प्रक्रियेदरम्यान उद्भवत असलेल्या अडचणी, कामकाजातील विलंब तसेच नागरिकांच्या तक्रारी जिल्हाधिकाऱ्यांच्या निदर्शनास आणून देण्यात आल्या. यावर जिल्हाधिकारी मोहम्मद रोशन यांनी संबंधित समस्यांची गांभीर्याने दखल घेत, पुढील दोन ते तीन दिवसांत त्रुटी दूर करून आवश्यक त्या कठोर उपाययोजना करण्यात येतील, असे आश्वासन दिले.
मतदार नोंदणी प्रक्रिया अधिक प्रभावी, पारदर्शक आणि वेळेत पूर्ण करण्यासाठी प्रशासनाने आवश्यक ती पावले उचलावीत, अशी अपेक्षा यावेळी व्यक्त करण्यात आली.
