बेळगाव शहरात डॉ. बाबासाहेब आंबेडकर यांच्या 135 व्या जयंतीनिमित्त उत्सव मोठ्या जल्लोषात साजरा करण्याचा निर्णय उत्सव समितीने घेतला आहे. या पार्श्वभूमीवर विविध कार्यक्रमांचे आयोजन करण्यात येत असून शहरात उत्साहाचे वातावरण निर्माण झाले आहे.
आज डॉ. बाबासाहेब आंबेडकर उद्यान येथे मान्यवरांच्या उपस्थितीत बाबासाहेबांना उदयकुमार तळवार DC Administrative, व आंबेडकर जयंतीचे नोडल ऑफिसर यांच्या हस्ते पुष्पहार अर्पण करून जयंती उत्सवाची औपचारिक सुरुवात करण्यात आली. या वेळी जयंती महोत्सव महामंडळाचे अध्यक्ष मल्लेश चौगुले, बाबू पुजारी, महेश कोलकर,जीवन कुरणे, संदीप कोलकार, सुब्रमण्यम कांबळे,यांच्यासह इतर पदाधिकारी उपस्थित होते.
दरम्यान, वरिष्ठ दलित नेत्यांच्या मार्गदर्शनाखाली नागपूर येथील दीक्षाभूमीवरून ‘भीम ज्योत’ आणण्यासाठी विशेष पथक रवाना झाले आहे. मल्लेश कुरंगी, रमेश कांबळे, नागेश कांबळे आणि विनायक कोलकर यांच्या नेतृत्वाखाली ही ज्योत बेळगावकडे येत आहे.
ही ‘भीम ज्योत’ 13 एप्रिल रोजी सायंकाळी बेळगावात पोहोचणार असून 14 एप्रिल आंबेडकर जयंतीदिनी अशोक सर्कल येथून आंबेडकर गार्डनपर्यंत तिचे स्वागत मिरवणुकीद्वारे करण्यात येणार आहे. त्यानंतर जयंती उत्सवाला अधिकृत सुरुवात होईल आणि पुढे भव्य शुभयात्रा मिरवणूक काढण्यात येणार आहे.
या संपूर्ण कार्यक्रमामुळे शहरात सामाजिक एकात्मता आणि उत्साहाचे वातावरण पाहायला मिळणार असून मोठ्या संख्येने नागरिक सहभागी होण्याची अपेक्षा आहे.
