महर्षी वाल्मिकी जयंतीनिमित्त बेळगावात भव्य शोभायात्रा काढण्यात आली. राज्यातील विविध ठिकाणाहून आलेली कला पथके शोभयात्रेचे आकर्षण ठरली. किल्ल्या जवळील अशोक चौक येथून शोभयात्रेला प्रारंभ झाला. महर्षी वाल्मिकिंची भव्य मूर्ती रथात ठेवण्यात आली होती. महर्षी वाल्मिकिंच्या पुतळ्याचे पूजन महापौर आणि उप महापौर यांच्या हस्ते करण्यात आले. सुहासिनी मंगल कलश घेऊन शोभयात्रेत मोठ्या संख्येने सहभागी झाल्या होत्या. वराह तसेच अन्य अवताराचे दर्शन घडवणाऱ्या कलाकारांनी शोभयात्रेची शोभा वाढवली.
चित्रं विचित्र मुखवटे आणि वेशभुषा परिधान केलेले कला पथक शोभयात्रेचे आकर्षण ठरले. धनगरी वेशातील धनगरी ढोल पथकाने देखील आपल्या ढोल वादनाने साऱ्यांची मने जिंकली. भल्या मोठ्या आकाराच्या हलगीचे वादन करणाऱ्या कलाकारानी देखील शोभयात्रेच्या मार्गांवर साऱ्यांचे लक्ष वेधून घेतले. शोभयात्रेत मोठ्या संख्येने वाल्मिकी समाज बांधव सहभागी झाले होते. शहरातील मार्गांवर फिरून शोभयात्रेची कुमार गंधर्व सभागृह येथे सांगता झाली.
